Toshkent va Navoiy viloyatlarida korrupsionerlar qo‘lga olindi
O‘zbekistonda korrupsiyaga qarshi kurash doimiy ravishda kuchayib borayotgan bo‘lsa-da, ayrimlar hali ham bu illat domiga tushmoqda.
Toshkent viloyatida Soliq boshqarmasi katta inspektori fermer xo‘jaligidan tekshiruvni ijobiy hal etish va bir yil tekshiruv o‘tkazmaslik evaziga 5 ming dollar pora talab qilgan paytda DXX xodimlari tomonidan qo‘lga olindi. Bu haqida Telegamdagi "XAVFSIZLIK" kanali xabar qildi.
Navoiy viloyatida bolalar va o‘smirlar sport maktabi direktori hamda bosh hisobchisi murabbiyga ajratilgan xizmat safari pullaridan ulush so‘rab, 3 million so‘m pora olayotganda ushlangan.
Har ikki holat yuzasidan Jinoyat kodeksining 210-moddasi (pora olish) bo‘yicha ish qo‘zg‘atilib, tergov olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter