Afg‘onistonda toshqinlar sabab 20 kishi halok bo‘ldi
Afg‘onistonning Nuriston viloyatidagi suv toshqinlari 20 kishining hayotiga zomin bo‘ldi va 80 kishi jarohat oldi. Bu haqda mamlakatning Milliy tabiiy ofatlarni boshqarish boshqarmasi xabar berdi.
Qurbonlar soni dastlabki bo‘lib, hududlarda qidiruv-qutqaruv ishlari davomida ularning soni ortishi mumkinligi aytilgan.
Shuningdek, 100 dan ortiq odam bedarak yo‘qolgani ta’kidlangan.
Prognozlarga ko‘ra, Transport va fuqaro aviatsiyasi vazirligining Meteorologiya boshqarmasi kuchli changli shamol va momaqaldiroq bilan birga keladigan kuchli yomg‘irlar haqida ogohlantirgan, bu esa bir nechta viloyatlarda suv toshqinlariga olib kelishi mumkin.
Agentlik aholini daryo bo‘ylari va suv toshqini xavfi yuqori bo‘lgan hududlardan uzoqroq turishga, viloyat favqulodda vaziyatlarga tayyorgarlik qo‘mitalari tomonidan berilgan ko‘rsatmalarga amal qilishga va zarur ehtiyot choralarini ko‘rishga chaqirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter