Eronga qarshi urush hozirgacha AQShga 25 milliard dollarga tushgan. 

Reuters agentligining xabar berishicha, Pentagonning moliyaviy ishlar bo‘yicha yordamchisi vazifasini bajaruvchi Jules Hurst Vakillar palatasidagi eshituvida bu haqda gapirdi. 

Uning so‘zlariga ko‘ra, bu mablag‘larning katta qismi o‘q-dorilarga sarflangan. 

28-fevral kuni Qo‘shma Shtatlar va Isroil Eronga qarshi harbiy operatsiyani boshladilar va bir nechta shaharlarga havo hujumlarini uyushtirdilar. Bunga javoban Eron Isroil hududiga raketa hujumlarini uyushtirdi va Fors ko‘rfazidagi Amerika harbiy bazalariga hujum qildi. 

2026-yil 8-aprelga o‘tar kechasi Eron, Qo‘shma Shtatlar va ularning ittifoqchilari ikki haftalik sulhga kelishib oldilar. 11-12-aprel kunlari Pokiston vositachiligida Islomobodda Eron va Qo‘shma Shtatlar o‘rtasida muzokaralar bo‘lib o‘tdi. Uzoq muzokaralardan so‘ng, tomonlar kelishuvga erishmasdan uchrashuvni yakunladilar. 

Tehronga bosim o‘tkazish uchun AQSh Eron portlari va Ho‘rmuz bo‘g‘ozi orqali o‘tishni blokada qilganini e’lon qildi. Eron, o‘z navbatida, Ho‘rmuz Fors ko‘rfaziga yo‘l olgan kemalar uchun allaqachon yopiq ekanligini e’lon qildi. Mintaqadagi vaziyat, o‘z navbatida, global energiya inqirozini keltirib chiqardi.