Fransiya ichki ishlar vaziri Loran Nunes Chempionlar Ligasi finalida PSJning g‘alabasidan keyin boshlangan tartibsizliklarni «umuman nazorat ostida» deb ta’riflab, butun mamlakat bo‘ylab 780 nafar huquqbuzar hibsga olinganini ma’lum qildi. 

Yakshanba kuni bo‘lib o‘tgan matbuot anjumanida u bu ko‘rsatkich o‘tgan yilga nisbatan tartibsizliklar yuqori ekanligini ta’kidladi. Hibsga olinganlardan 457 nafar futbol ishqibozi va bezorilar hibsga olingan. To‘qnashuvlar paytida politsiya xodimlari ham qo‘shilgan 219 kishi jarohat olgan. 

Vazir huquqni muhofaza qilish organlarining ishini yuqori baholadi va Parijning «periferik» halqa yo‘lini to‘sishga uringanlar uchun videokuzatuv yozuvlari asosida jarimalar solinishi haqida ogohlantirdi. 

Nunening so‘zlariga ko‘ra, tartibsizliklardan jabr ko‘rgan 15 ta Fransiya shahrida bir yoki ikkita do‘kon talon-taroj qilingan. Pau va Orlean shaharlarida jamoat binolari shikastlangan. 

PSJ Chempionlar Ligasi finalida g‘alaba qozonganidan keyin Parijda tartibsizliklar boshlandi. 

Parijda muxlislar politsiya bilan to‘qnashdilar, jumladan, 8-okrug politsiya bo‘limiga hujum qilishga urinish ham bo‘ldi. OAV xabarlarida bir nechta ko‘chalarda o‘t qo‘yish holatlari ham qayd etilgan. Huquqni muhofaza qilish organlari xodimlari tartibsiz olomonga qarshi ko‘zdan yosh oqizuvchi gaz ishlatishga majbur bo‘lishdi. 

Yakshanba kuni poytaxtda Parij Sen-Jermen g‘alabasini nishonlash paytida tartibni saqlash uchun taxminan 6000 politsiya xodimi va jandarmlar safarbar qilindi.