Аср охирида Европа аҳолиси қанчага етиши айтилди
Европа статистика бошқармаси (Eurostat) ЕИ аҳолисининг 2025 ва 2100 йиллар оралиғида 53 миллион кишига (11,7%) камайишини тахмин қилди.
Кутилмаларга кўра, 2029 йилга келиб Европа Иттифоқи аҳолиси 453,3 миллион нафаргача ўсади, шундан сўнг 2100 йилга келиб у аста-секин 398,8 миллионга камаяди.
Аср охирига келиб, 19 ёшгача бўлган болалар ва ёшларнинг улуши 20% дан 17% гача, 64 ёшгача бўлган меҳнатга лаёқатли аҳолининг улуши эса 58% дан 50% гача камайиши прогноз қилинмоқда. Шу билан бирга, 65-79 ёшдаги кексаларнинг улуши 16% дан 17% гача, 80 ва ундан катта ёшдаги одамларнинг улуши эса 6% дан 16% гача ошиши кутилмоқда.
Ҳозирда Европа Иттифоқи аҳолиси пирамидаси юқори умр кўриш давомийлиги, паст ўлим ва паст туғилиш билан характерланади. Аҳолининг асосий қисми 50 ёшдан ошган меҳнатга лаёқатли ёшдаги одамлардан иборат.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter