Ҳиндистон чегарани қўриқлашда тимсоҳ ва заҳарли илонлардан фойдаланмоқчи
Ҳиндистон расмийлари ноқонуний мигрантлар оқимини тўхтатиш учун Бангладеш билан чегаранинг бориш қийин бўлган қисмларини ҳимоя қилиш учун «биологик тўсиқ»дан фойдаланишни кўриб чиқмоқда.
«Тўсиқ» дарёлар ва бошқа сув ҳавзаларига қўйиб юборилган тимсоҳлар ва заҳарли илонлардан иборат бўлиши мумкин, деб хабар беради The Times.
Тегишли сўров Ҳиндистон Чегара Хавфсизлиги Кучлари томонидан Ички Ишлар Вазири Амит Шоҳнинг кўрсатмаси билан тақдим этилди.
Ҳиндистон-Бангладеш чегараси қарийб 4100 километр узунликда. Ушбу чегаранинг тахминан 850 километри деярли қўриқланмайди. Дарёлар чегарани кесиб ўтгани учун у ерга тўсиқлар ўрнатишнинг иложи йўқ. Бу дарёлар кўпинча қирғоқларидан тошиб, оқимлари ўзгаради, бу эса Ҳиндистонга ўтаётган бангладешликларга қўл келади.
Бу ҳудудларни ҳимоя қилиш учун Ҳиндистон расмийлари аллақачон дрон патруллари ва тунги кўриш камераларидан фойдаланганлар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter