Буюк Британияда 16 йил давомида яширинча иккита жойда ишлаган аёл ишдан бўшатилди.

Муликат Огумодеде 2008 йилдан 2024 йилгача ҳафтасига беш кун соат 08:00 дан 17:00 гача Deutsche Bankда, соат 22:00 дан 06:00 гача эса парламент биносида фаррошлик қилган, деб ёзди Daily Mail. Аёл кечқурун беш соат ва эрталаб икки соат танаффус билан суткасига 17 соат ишлаган. Шу тарзда 16 йил!

Аёл бир вақтнинг ўзида икки жойда ишлаётгани аниқлангач, иш вақтини чеклаш тўғрисидаги қонунни бузган деб, парламентдаги иши (фаррошлик)дан ҳайдашди. Аёлни Deutsche Bankка ишга жойлаган Churchill Contract Services клининг компанияси сиёсатига кўра, ишчилар сменалар ўртасида 11 соат танаффус қилишлари шарт. Қизиғи, ушбу компания парламент билан меҳнат шартномаси тузаётганида Муликат Огумодеде бу ерда аллақачондан буён ишлаб келаётгани маълум бўлган.

Аёл иш берувчини судга бериб, компанияни ноҳақ ишдан бўшатиш ва бунинг учун белгиланган нафақани тўламаслик ва иш ҳақидан ноқонуний ушлаб қолишда айблади. Аммо унинг даъволари рад этилди.

Адолатли қонун — меҳнаткаш ходимга қарши...