Покистонда 14 нафар чақалоқ шифохонадаги ёнғинда ҳалок бўлди
Покистон пойтахти Исломободда 14 нафар чақалоқ шифохонада юз берган ёнғинда ҳалок бўлди.
Ёнғин Покистон тиббиёт фанлари институти шифохонасининг оналар ва болалар бўлимида содир бўлган. ОАВ хабарига кўра, олов бинонинг учинчи қаватида, кондиционер тизимидаги қисқа туташув туфайли келиб чиққан.
Тутун бутун қават бўйлаб тез тарқалган. Хабар қилинишича, ёнғин пайтида бўлимда 15 чақалоқ бўлган ва улардан фақат бир нафарини қутқариб олинган.
Покистон бош вазири Шаҳбоз Шариф ҳалок бўлганлар чақалоқларнинг оилаларига таъзия билдириб, фожиа сабаблари жиддий текширилишини ваъда қилди. Айбдорлар жавобгарликка тортилиши шарт, деди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter