Россия иқтисодиёти қулаш арафасида – Трамп
Трамп Путинни Украинадаги урушни тугатишни истамаётганлигини айтиб танқид қилди.
Reuters нашрининг Трамп сўзларидан иқтибос келтиришича, у Путин билан яхши муносабатларда бўлган, аммо ҳозирги вазиятдан қаттиқ норози.
«Мен жуда норозиман, чунки Владимир билан менинг жуда яхши муносабатларим бор эди, эҳтимол, ҳали ҳам шундайдир. Лекин у ҳақиқатдан ҳам бу урушни бартараф этиши керак. Биласизми, ҳозир Россияда бензин учун узун навбатлар пайдо бўлди... Бир пайтнинг ўзида унинг иқтисодиёти қулаши мумкин», – деди Трамп.
Унинг қўшимча қилишича, Россиянинг Украина урушидаги йўқотишлари аллақачон 1,5 миллион нафарни ташкил этди.
Президент, шунингдек, АҚШда жуда кўп «Томагавк» ракеталари борлигини эсга олди ва Украинага уларни етказиб бериш масаласи яна кун тартибида эканини билдирди.
Унинг таъкидлашича, 17 октябрь куни Украина президенти Владимир Зеленскийнинг Вашингтонга ташрифи вақтида ушбу масала кўтарилиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter