Трамп Эроннинг тинчлик режасини рад этди
АҚШ президенти Дональд Трамп Эрон томонидан тақдим этилган янги тинчлик режасини «қабул қилиб бўлмайдиган» деб атади. У бу ҳақда Исроилнинг «Kan» телеканалига берган интервьюсида маълум қилди.
Аввалроқ маълум бўлишича, Покистон орқали Вашингтонга етказилган режа 14 банддан иборат. Унда АҚШ қўшинларини Яқин Шарқдан чиқариш, денгиз блокадасини бекор қилиш, санкцияларни олиб ташлаш, музлатилган Эрон активларини фойдаланишга чиқариш ва репарациялар тўлаш каби талаблар илгари сурилган.
Шунингдек, режада Ҳўрмуз бўғози фаолиятини тиклаш ва урушни барча фронтларда тўхтатиш масалалари ҳам кўзда тутилган. Манбаларга кўра, аввал бир ой ичида блокада ва можарони тугатиш бўйича музокаралар ўтказиш, шундан сўнг ядро дастури юзасидан алоҳида келишувга эришиш таклиф этилган.
Трамп эса бу таклифларга муносабат билдириб, Теҳрон «ҳали етарлича товон тўламаганини» айтди ва режа уни қониқтирмаслигини билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter