Япония Соғлиқни сақлаш вазирлигининг маълумотларига кўра, 2025 йилда мамлакат фуқароларидан туғилган болалар сони тарихий энг паст даражага тушди, деб хабар беради NHK.

Бу кўрсаткич ўтган йилга нисбатан 14 937 тага камайиб, 671 236 та туғилишни ташкил этди. Бу 1899 йилда статистика юритила бошланганидан бери энг паст кўрсаткич бўлиб, пасайиш кетма-кет ўн йил давомида давом этмоқда.

​Туғилиш даражасининг пасайиш суръати айниқса ташвишлидир. Уч йил олдин Аҳоли ва ижтимоий таъминот тадқиқотлари миллий институти туғилиш даражаси 2040 йилларда атиги 670 000 тагача пасайишини башорат қилган эди. Мамлакат аҳолисининг қариб бораётганини ҳисобга олсак, бу рақамлар мамлакат расмийлари учун жиддий ташвиш манбаи ҳисобланади.

​Умумий туғилиш даражаси (агар ҳозирги туғилиш даражаси ўзгаришсиз қолса, аёлнинг умри давомида туғадиган ўртача болалар сони) ҳам рекорд даражадаги 1,14 га тушиб, 0,01 га камайди.

Туғилишнинг энг паст даражаси Токио префектурасида 0,96 га тенг, энг юқори кўрсаткич эса Окинавада 1,52 га тенг.