Бухорода пропан газ қуйиш шохобчаси ёнди: жабрланганлар бор
23 май, жума куни соат 21:15 ларда Бухоро вилояти Олот туманида жойлашган пропан газ қуйиш шохобчаларининг бирида «КамАЗ» русумли автомобилига газ қуйиш вақтида чақнаш содир бўлиб, оқибатда ёнғин келиб чиққан.
Шундан сўнг зудлик билан воқеа жойига 2 та ёнғин қутқарув автоэкипажлари жалб қилинган. Улар соат 21:19да шохобчага етиб борган ва соат 21:40да батамом ўчирилган.
Ёнғин оқибатида ҳеч қандай портлаш содир бўлмаган. Ёнғиндан автомобилнинг ён томонидаги газ қуйиш агрегатлари ва суюлтирилган углеводород гази қисман ёнган.
Дастлабки маълумотга кўра, ёнғин ўчиришга ҳаракат қилган фуқароларнинг тан жароҳати олиш ҳолатлари қайд этилган.
«Ҳозирда аҳволи яхши ва шифокорлар назоратида.
Ёнғинни келиб чиқишига ёқилғи қуйиш вақтида технологик жараённи бузилиши сабаб бўлгани тахмин қилинмоқда», – дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter