Ўзбекистон газли ичимликлар экспортини кескин оширди
2026 йилнинг январ–феврал ойларида Ўзбекистон 19 та хорижий давлатга 43,2 млн литр газланган ичимлик экспорт қилди. Бунинг умумий қиймати 19,9 млн АҚШ долларини ташкил этди, дея маълум қилди Миллий статистика қўмитаси.
Қайд этилишича, мазкур кўрсаткич ўтган йилнинг шу даврига нисбатан 28,2 млн литрга ошган. Шу тариқа экспорт ҳажми қарийб 2,9 баробарга кўпайган.
Жумладан, газли ичимликлар экспортида энг катта улуш Қозоғистон ҳиссасига тўғри келади. Бу мамлакатга 26,8 млн литр маҳсулот етказиб берилган.
Шунингдек, Қирғизистон 12,9 млн литр, Россияга эса 3 млн литр газланган ичимлик экспорт қилинган. Грузияга 123,2 минг литр, Мўғулистонга 99,3 минг литр маҳсулот етказилган. Қолган давлатларга жами 319,8 минг литр экспорт қилинган.
Эслатиб ўтамиз, аввалроқ 2026 йил январ–феврал ойларида Ўзбекистон экспорти ҳажми 3 млрд 546,8 млн долларни ташкил этгани ҳақида хабар бергандик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter