Ўзбекистон маданиятининг ёрқин вакили, халқ артисти, театр ва кино арбоби Ёқуб Аҳмедов 87 ёшида вафот этди. У Ўзбекистон Республикаси Театр Арбоблари уюшмаси раиси, Ўзбек Миллий академик драма театри актёри ва режиссёри, "Дўстлик" ордени соҳиби сифатида танилган.

Ёқуб Аҳмедов 1938 йил 3 январда Наманган шаҳрида туғилган. А.Островский номидаги Тошкент театр ва рассомчилик санъати институтини тамомлаган. 1958 йилдан бошлаб Ҳамза номидаги Ўзбек давлят (ҳозирги Ўзбек Миллий) академик драма театрида актёр, кейинчалик театр директори лавозимларида фаолият олиб борган.

У элликдан ортиқ спектаклларда асосий ролларни маҳорат билан талқин этган, театр санъатининг ривожланишига катта ҳисса қўшган. Шунингдек, у кўплаб филмларда суратга тушиган ва дубляж устаси сифатида ҳам танилган.

Устоз санъаткорнинг вафоти Ўзбекистон маданият дунёси учун оғир йўқотиш ҳисобланади.

Xabar.uz жамоаси марҳумнинг оиласи, қариндошлари, ҳамкасблари ва мухлисларига чуқур ҳамдардлик билдиради.