Ўзбекистонда тайёр овқат етказиб бериш хизмати қимматлашди
Миллий статистика қўмитаси маълумотларига кўра, 2025 йилнинг ноябрь ойида тайёр овқатларни етказиб бериш хизматлари нархларида ўсиш тенденцияси кузатилган. Хусусан, ноябрь ойида октябрь ойига нисбатан нархлар ўртача 0,5 фоизга қимматлашган.
Ҳисоботда қайд этилишича, мазкур хизмат тури нархлари йил бошидан буён жами 5,3 фоизга ошган. Энг сезиларли ўсиш суръати ўтган йилнинг мос даврига нисбатан таққосланганда кузатилган бўлиб, бу кўрсаткич 6,4 фоизни ташкил этди.
Ноябрь ойидаги ойлик қимматлашиш нисбатан паст бўлса-да, йил бошидан ва йиллик кесимда нархлар ўсиши сақланиб қолгани бозорда нархларнинг босқичма-босқич кўтарилиб бораётганини, йиллик таққослашда эса инфляция суръати сезиларли эканини кўрсатади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter