Аморим «Манчестер Юнайтед»дан ўз ихтиёри билан кетмаслигини айтди
«Манчестер Юнайтед» бош мураббийси Рубен Аморим Sky Sports нашрига берган интервюсида ўз ихтиёри билан истеъфога чиқмаслигини билдирди.
Фақат раҳбарият бу қарорни қабул қилиши мумкин.
«Директорлар кенгаши ҳал қилади. Бу менинг ихтиёримда эмас. Баъзида шундай ҳисни туяман, мағлубиятлар оғир ботади. Қўлингдан келган ҳамма ишни қилмаганингни билиб туриб клубдан кетиш жуда оғир», — деди Аморим.
Рубен Аморим «Манчестер Юнайтед»ни 2024 йил 1 ноябридан буён бошқармоқда. Клуб билан шартномаси 2027 йил ёзигача тузилган. Бунгача Португалиянинг «Брага» ва «Спортинг» клубларини бошқарган.
Ҳозир «Манчестер Юнайтед» АПЛ турнир жадвалида 6 ўйиндан сўнг 7 очко тўплаб, 14-поғонани эгаллаб турибди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter