Марказий банк 11 та банкни жаримага тортди. 

Марказий банкнинг Банк назорати қўмитаси 2026 йил феврал ойида 7 маротаба йиғилиш ўтказиб, банклар, кредит ва тўлов ташкилотлари фаолиятига оид 43 та масалани муҳокама қилди. 

 Асосан: 

- рўйхатга олиш ва рухсат бериш масалалари, 

- банклар ва кредит ташкилотларининг молиявий ҳолати, 

- пруденсиал меъёрлар ва Марказий банк кўрсатмаларига риоя этилиши, 

- инспекция текширувлари натижалари, 

- истеъмолчилар ҳуқуқларини ҳимоя қилиш, 

- банк ва тўлов ташкилотларида киберхавфсизлик талаблари, 

- «тартибга солиш қумдони» доирасидаги синов жараёнлари кўриб чиқилди. 

 Аниқланган камчиликлар натижасида: 

- 11 та банкга нисбатан жарима санкциялари қўлланилди. 

- 14 та банк ва 4 та тўлов ташкилоти чора ва санкциялар қўлланилиши тўғрисида огоҳлантирилди. 

Шунингдек: 

- 8 та банкга нисбатан молиявий барқарорликни таъминлаш мақсадида оддий акциялар бўйича дивидендлар тўлаш орқали фойдани тақсимламаслик талаби белгиланди ва макропруденциал буферларни шакллантириш топширилди.