Миллий статистика қўмитаси маълумотларига кўра, энг кўп иш билан таъминланганлар қишлоқ, ўрмон ва балиқ хўжалиги соҳасига тўғри келади. Бу тармоқда 3 миллион 132,6 минг нафар аҳоли фаолият юритмоқда.

Шунингдек, бошқа турдаги хизматлар кўрсатиш соҳасида 2 миллион 661,8 минг киши банд. Ишлаб чиқариш саноатида эса 1 миллион 699,6 минг нафар аҳоли меҳнат қилмоқда.

Улгуржи ва чакана савдо ҳамда транспорт воситаларини таъмирлаш соҳасида 1 миллион 507,9 минг, қурилишда 1 миллион 450,5 минг киши иш билан таъминланган.

Таълим соҳасида 1 миллион 367,6 минг нафар, соғлиқни сақлаш ва ижтимоий хизматларда 719,4 минг киши фаолият юритмоқда.

Давлат бошқаруви ва мудофаа, шунингдек мажбурий ижтимоий таъминот соҳасида 637,0 минг нафар банд. Ташиш ва сақлаш соҳасида эса 584,6 минг киши ишламоқда.

Яшаш ва овқатланиш хизматларида 389,5 минг, профессионал, илмий ва техник фаолиятда 152,6 минг, бошқарув ва ёрдамчи хизматларда 114,2 минг нафар аҳоли банд.

Ахборот ва алоқа соҳасида 108,8 минг, молиявий ва суғурта фаолиятида 82,9 минг, энергетика тармоқларида 70,7 минг киши меҳнат қилмоқда.

Кўчмас мулк билан операциялар соҳасида 67,8 минг нафар, санъат ва дам олиш тармоқларида 66,9 минг киши банд.

Тоғ-кон саноатида 66,7 минг, сув таъминоти ва чиқиндиларни қайта ишлаш соҳасида 52,8 минг нафар аҳоли фаолият юритмоқда.