Айни пайтда хориж давлатларида меҳнат муҳожирлигида юрганлар Ўзбекистон фуқаролари сони 2,1 млн кишини (шундан 1,6 млн нафари эркаклар, 607,5 минг нафари хотин-қизлар, 590 минг нафари эса ёшлар) ташкил этади.

Бу ҳақда Вазирлар Маҳкамаси ҳузуридаги Миграция агентлиги маълум қилди.

Меҳнат муҳожирлари ҳудудлар кесимида:

• Россияда – 1 163,8 минг (53 фоиз);
• Қозоғистонда – 522,5 минг (24 фоиз);
• Туркияда – 168,3 минг (8 фоиз);
• Кореяда – 74,5 минг (3,4 фоиз);
• Ва бошқа давлатларда – 182,6 минг (8,4 фоиз).

Хориждаги ўзбекистонликлар 2025 йилнинг 5 ой давомида 6,4 млрд доллар миқдорида пул ўтказмаларини амалга оширган. Ушбу кўрсаткич ўтган йил шу даврига нисбатан 1,3 млрд доллар ёки 27 фоизга ошган (2024 йил 5 ойида 5 млрд доллар).

Шунингдек, 2025 йилнинг 5 ой давомида хориждаги 84,9 минг ватандошга Агентлик ваколатхоналари томонидан ахборот-маслаҳат, ҳуқуқий, ижтимоий ва моддий ёрдамлар хизматлари кўрсатилди.

Реинтеграция тадбирларида эса 211,4 минг нафар ватандош Ўзбекистонга қайтариб келинган. Шундан Россиядан – 116,8 минг, Қозоғистондан – 46,4 минг, Туркиядан – 13 минг, Кореядан – 2,8 минг ва бошқа давлатлардан – 32,3 минг нафар.