АҚШ президенти Доналд Трамп Эронга қарши таҳдидларини такрорлади ва Вашингтон вақти билан 7 апрел куни кечқурун Ҳўрмуз бўғозини кемалар учун очишни талаб қилди. 

«Бутун мамлакатни бир кечада йўқ қилиш мумкин — ва бу тун эртага бўлиши мумкин», деди у Оқ уйда бўлиб ўтган матбуот анжуманида у. 

Трампнинг сўзларига кўра, Америка қўшинлари Эрон билан урушда «жуда яхши» ҳаракат қилмоқда. 

Трамп журналистлар билан суҳбатини Эрон устида уриб туширилган Америка F-15 учувчиларини қутқариш операциясининг муваффақиятини айтиб беришдан бошлади. 

Унинг сўзларига кўра, операцияда 170 дан ортиқ ҳарбий самолёт иштирок этган: 21 та самолёт биринчи учувчини эвакуация қилган ва яна 155 таси иккинчисини қутқарган. 

«Мен ушбу тарихий операцияларда иштирок этган ҳар бир ҳарбий хизматчига миннатдорчилик билдирмоқчиман», —дея қўшимча қилди у. 

Душанба куни Эрон ва Қўшма Штатлар Покистон томонидан ҳарбий ҳаракатларни тўхтатиш бўйича таклифлар олганини билдирди, аммо кун давомида бошқа қарама-қарши хабарлар пайдо бўлди. Келишувга эришиш имконияти бор-йўқлиги номаълумлигича қолмоқда.