Tomahawks эвазига минглаб дронлар: Украина президенти Владимир Зеленский  АҚШ президенти Доналд Трамп билан учрашди. 

Украина президенти Оқ Уйга ярим соат кечикиб келди, бироқ Доналд Трамп барибир уни шахсан кутиб олди. 

Президентлар ўзаро саломлашишди, Зеленский Трампни Яқин Шарқдаги можарога барҳам бергани билан табриклади ва унинг иштирокида Украинадаги урушни тўхтатиш мумкин бўлишига умид билдирди.

Учрашув олдидан етакчилар журналистларнинг саволларига жавоб берди. 

Уларнинг баёнотларининг диққатга сазовор жойлари: 

▪️ Зеленский АҚШГА “Томагавк” қанотли ракеталари эвазига минглаб Украина дронларини таклиф қилди. Унинг сўзларига кўра, “замонавий урушлар кўп сонли дронларни талаб қилади”. 

▪️ Трамп таклифга қизиқиш билдирган. Аммо унинг қўшимча қилишича, АҚШнинг ўзи Киевга етказиб бериладиган Томагавк ва бошқа ракеталарга муҳтож. 

▪️ Америка етакчиси Венгрияда Путин билан учрашади. Саммит икки томонлама бўлади, лекин Зеленский ҳам алоқада бўлади. 

▪️ Ҳиндистон энди Россия нефтини сотиб олмайди. 

▪️ Трамп Украинадаги уруш “ракеталар Киевга етказилгунга қадар ҳам тугаши” мумкинлигига умид билдирди. 

 “Путин ва Зеленский можарога барҳам бермоқчи”, — дея қўшимча қилди у. 

Шу билан учрашувнинг оммавий қисми якунланди. 

Эслатиб ўтамиз, Зеленский билан учрашуви олдидан Трамп Путинга қўнғироқ қилиб, Будапештда шахсий учрашувга рози бўлган эди.