Венгрия Украинага газ етказиб беришни тўхтатяпти
Венгрия бош вазири Виктор Орбан Украинага газ етказиб беришни босқичма-босқич тўхтатишини маълум қилди. Унга кўра, бу чекловлар «Дўстлик» нефть қувури орқали транзит қайта тикланмагунча амал қилади.
Орбаннинг таъкидлашича, мамлакат ўз энергия хавфсизлигини таъминлаш учун қолган газ захираларини ички бозорда сақлаб қолишга қарор қилган. Бу қарор Украина билан энергетик муносабатлардаги кескинликни янги босқичини англатади.
Шу билан бирга, Будапешт ва Киев ўртасида сиёсий зиддиятлар ҳам кучаймоқда. Орбаннинг айтишича, Украина махсус хизматлари Венгрия ташқи ишлар вазири телефонини тинглаган бўлиши мумкин – бу ҳолат юзасидан текширув бошланган.
Европа Иттифоқи доирасида ҳам Венгрияга нисбатан ишонч муаммоси юзага келмоқда. Politico маълумотига кўра, Брюссель Будапештни махфий музокаралардан чеклаган, чунки у маълумотларни Москвага узатиши мумкин, деган хавотирлар бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter