Трампни қўллаб-қувватлаш рейтинги Эрондаги вазият фонида рекорд даражада – 36 фоизгача тушиб кетди. Трампнинг бу борадаги кўрсаткичлари у президентликни қабул қилиб олган илк ойларда 47 фоизни, Яқин Шарқдаги уруш олдидан эса 40 фоизни ташкил қилган эди.

Reuters/Ipsos сўровида қайд этилишича, 25 фоизгина америкалик Трампнинг нарх-наво бўйича сиёсaтини қўллаб-қувватлаган бўлса, Оқ уй раҳбарини иқтисодий соҳада 29 фоиз аҳоли қўллаб-қувватлаган. 61 фоиз аҳоли эса АҚШнинг Эронга зарбаларига қарши.

Шу билан бирга, аҳолининг 63 фоиз америкалик иқтисодиётни «заиф» деб баҳолаган.

Қайд этилишича, бу Трамп Оқ уйга қайтганидан бери энг паст даража ҳисобланади. Бунинг асосий сабаблари сифатида Эрон билан уруш ҳамда бензин ва яшаш харажатларининг ошиши кўрсатилган.

Муҳим жиҳати шундаки, Трамп сайлов кампаниясида «янги урушлардан қочиш» ваъда қилган эди. Аммо Эрон билан зиддият ва нефть нархларининг ўсиши унинг позицияларига босимни кучайтирмоқда.