Президент Шавкат Мирзиёев Иқтисодиёт ва молия вазирлигига бир ой муддат ичида автотранспорт воситаларининг атмосфера ифлосланишига таъсирини камайтириш мақсадида Тошкент шаҳрида «Евро-4» экологик стандартига жавоб бермайдиган «М» ва «N» тоифасига мансуб, 2010 йилгача бўлган даврда ишлаб чиқарилган машиналарни «trade-in» тизими орқали харид қилиш тартибини ишлаб чиқишни топширди.

Шунингдек, 2026 йил 1 апрелга қадар Тошкент шаҳрининг 700 та чорраҳасида замонавий, сунъий интеллект ёрдамида ҳаракат оқимини бошқариш имкониятига эга интеллектуал светофор тизими жорий қилинади.

Ички ишлар вазирлиги 2026 йил якунига радар республикадаги барча тоифага кирувчи транспорт воситаларини техник кўрикдан ўтказиш чораларини кўради.

Бош прокуратура эса 2025 йил 25 ноябрдан бошлаб 2026 йил 25 мартга қадар мазут, ишлатилган автомобиль мойи ва шинасининг ноқонуний айланмасини олдини олиш, аниқланган такдирда кескин чоралар кўриш ишларини олиб боради ва натижаси юзасидан Президент Администрациясига ахборот киритади.