Нарендра Моди Instagram рекордини ўрнатди
Ҳиндистон бош вазири Нарендра Моди Instagram ижтимоий тармоғида 100 миллион обуначига эга дунёдаги илк сиёсатчига айланди. Бу ҳақда The Times of India нашри хабар берди.
Instagramда обуначилари кўплиги бўйича иккинчи ўринни АҚШ президенти Доналд Трамп банд қилди — унинг аккаунтини 43 миллиондан ортиқ фойдаланувчи кузатиб боради. Учинчи ўринда эса 15 миллион обуначига эга Индонезия президенти Прабово Субианто.
Модининг Instagram саҳифаси 2014 йилда очилган. Ҳозирга қадар унинг саҳифасида 1200 дан ортиқ пост жойлаштирилган.
Таққослаш учун: Instagram тарихидаги мутлақ рекорд португалиялик футболчи Криштиану Роналдуга тегишли — унинг кузатувчилари сони 671 миллиондан ошади. 2024 йилда Роналду барча ижтимоий тармоқлардаги (Instagram, Facebook, X, YouTube, Kuaishou ва Weibo) жами обуначилари сони 1 миллиардга етган дунёдаги илк инсон сифатида тарихга кирган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter