Jahon markaziy banklarining 2025-yil yanvar-noyabr oylarida oltin sotib olish statistikasi bo‘yicha so‘nggi ma’lumotlar e’lon qilindi. Unga ko‘ra dunyo markaziy banklari bir qancha oy davomida oltin zaxiralarini faol kengaytirib kelmoqda va noyabr oyida ham umumiy ravishda 45 tonna qimmatbaho metal sotib olgan.

WGC ma’lumotlariga ko‘ra, O‘zbekiston noyabr oyida 10 tonna oltin sotib olib, Polsha (12 tonna) va Braziliyadan (11 tonna) keyin uchinchi o‘rinni egalladi. Keyingi o‘rinlardan Qozog‘iston (8 tonna), Qirg‘iziston (2 tonna), Chexiya (2 tonna), Xitoy (1 tonna) hamda Indoneziya (1 tonna) regulyatorlari joy olgan.

Ushbu xarid O‘zbekistonning xorij valyutasi va rezervlarini mustahkamlashga, iqtisodiy xavfsizlikni oshirishga xizmat qiladi. Bu harakat jahon moliyaviy notinchliklari, geosiyosiy stresslar va dollarga bo‘lgan bog‘liqlikni kamaytirish maqsadlariga mos keladi.

O‘z navbatida, Iordaniya (2 tonna) va Qatar (1 tonna) markaziy banklari oltinning sof sotuvchilariga aylandi.

Ekspertlar fikricha, markaziy banklar oltinni faol sotib olishni davom ettirayotgani qurg‘oqchilik, inflyasiya va global iqtisodiy tahdidlar davrida rezervlarni diversifikatsiya qilishning muhim yo‘nalishi ekanini ko‘rsatadi.