2025-yil yanvar-sentyabr oylarida O‘zbekistonning import hajmi 33,1 mlrd AQSh dollariga yetgan. Bu ko‘rsatkich 2024-yilning mos davriga nisbatan 15,6 foizga o‘sgan.

Milliy statistika qo‘mitasi ma’lumotlariga ko‘ra, import tarkibida eng katta ulush mashinalar va transport asbob-uskunalari (33,9 foiz), sanoat tovarlari (15,9 foiz) hamda kimyoviy vositalar va shunga o‘xshash mahsulotlar (12,3 foiz) hisobiga to‘g‘ri keladi.

Import tarkibi quyidagicha:

• Mashinalar va transport asbob-uskunalari — 11,2 mlrd dollar (33,9 foiz);
• Sanoat tovarlari — 5,3 mlrd dollar (15,9 foiz);
• Kimyoviy vositalar va shunga o‘xshash mahsulotlar — 4,1 mlrd dollar (12,3 foiz);
• Xizmatlar — 3,6 mlrd dollar (11 foiz);
• Oziq-ovqat mahsulotlari va tirik hayvonlar — 3,1 mlrd dollar (9,3 foiz);
• Mineral yoqilg‘i, moylash materiallari  va shunga o‘xshash — 2,6 mlrd dollar (7,9 foiz);
• Turli xil tayyor buyumlar — 1,2 mlrd dollar (3,7 foiz);
• Nooziq-ovqat xomashyo (yoqilg‘idan tashqari) — 1,1 mlrd dollar (3,3 foiz);
• Hayvon va o‘simliklar moylari (yog‘lari), yog‘lar va mumlar — 387,5 mln dollar (1,2 foiz);
• Ichimliklar va tamaki — 251 mln dollar (0,8 foiz);
• Boshqa tovarlar — 229,7 mln dollar (0,7 foiz).