Euromonitor International “Top 100 City Destinations Index 2025” hisobotini e’lon qildi. Unga ko‘ra, Istanbul va Antaliya dunyo bo‘yicha eng ko‘p xorijiy sayyoh tashrif buyuradigan shaharlar qatoridan joy oldi. Hisobotda Turkiya ham ziyoratchilar soni, ham turizm jozibadorligi jihatidan yetakchi o‘rinni egallaganligi qayd etilgan.

Ma’lumotlarga ko‘ra, Istanbul 19,7 million nafar xalqaro sayyoh bilan dunyo reytingida 5-o‘rinni, Antaliya esa 18,6 million ziyoratchi bilan 8-o‘rinni egalladi. Shu tariqa, Turkiya global turizm maydonidagi ta’siri va mavqeini yanada mustahkamladi.

Bangkok 30,3 million nafar tashrif buyuruvchi bilan birinchi bo‘lsa, Gonkong, London va Makao ilk to‘rtlikdan o‘rin egalladi. Biroq hisobotning eng e’tiborga molik jihati — Turkiyaning sayyohlar soni bo‘yicha Yevropa va O‘rta Yer dengizi mintaqasida yetakchilik sari shiddat bilan ko‘tarilayotgani bo‘ldi.

Mazkur yuksalishda Istanbulning gastronomiya, madaniy va san’at tadbirlari, xalqaro miqyosdagi tashkilotlar, raqamli targ‘ibot va keng ko‘lamli dinamizmi, Antaliyaning esa har bir mavsumga xos yuqori talabga ega bo‘lgan dam olish infratuzilmasi, sport turizmi hamda jahon standartlariga mos inshootlari muhim ro‘l o‘ynadi.

Turkiyaning turizm sohasidagi global kuchi e’tirof etildi

Euromonitor Internationalning keng qamrovli indeksiga ko‘ra, 2025 yilda Turkiya turizm sohasida eng tez sur’atda rivojlanayotgan mamlakatlar qatoridan joy oldi. Istanbul va Antaliyaning ilk o‘ntalikka kiritilishi Turkiyaning madaniyat, tadbirlar va yo‘nalishlarni boshqarish siyosati xalqaro miqyosda yuqori baholanayotganini yaqqol namoyon etadi.

2025 yil natijalari Turkiyaning sayyohlar oqimini sezilarli darajada oshiribgina qolmay, global turizm maydonida barqaror va kuchli brend sifatidagi mavqeini ham mustahkamladi.