AQSh bir necha oydan beri Ukrainaga Rossiyaning energetika ob’yektlariga qarshi chuqur zarba berishda yordam bermoqda, deb yozadi Financial Times rasmiylarga asoslanib. 

Nashr manbalariga ko‘ra, AQSh razvedkasi Ukrainaga Rossiyaning muhim nishonlariga zarba berish imkonini beruvchi ma’lumotlarni taqdim etmoqda. Ularning qo‘shimcha qilishicha, bu razvedka Kiyevga front chizig‘idan uzoqda joylashgan Rossiya neftni qayta ishlash zavodlariga zarba berishga imkon bergan. 

Rasmiylarga ko‘ra, Amerika razvedkasi Ukrainaga zarbalar yo‘nalishi, balandligi va vaqtini aniqlash, shuningdek, missiya qarorlarini qabul qilishda yordam beradi. Bu Ukrainaning uzoq masofali raketalariga Rossiya havo hujumidan mudofaa tizimidan qochish imkonini beradi. 

Vashington mazkur jarayonlarni rejalashtirishning barcha bosqichlarida bevosita ishtirok etgan, dedi nashrga uchta manba. AQSh rasmiysi Ukraina uzoq masofali zarbalar uchun nishonlarni tanlaganini va Qo‘shma Shtatlar bu ob’yektlarning zaif tomonlari haqida razvedka ma’lumotlarini taqdim etganini aytdi. 

Biroq boshqa manbalarning gazetaga aytishicha, Vashington Kiyev uchun zarba berish uchun ustuvor maqsadlarni ham belgilagan. Bir manba Ukraina dronlarini AQSh Rossiya iqtisodiyotiga putur yetkazish va Rossiya prezidenti Vladimir Putinni kelishuv sari undash uchun foydalanishi mumkin bo‘lgan “vosita” deb ta’riflagan. 

Oktyabr oyi boshida The WallStreet Journal AQSh Rossiya energetika ob’yektlariga raketa zarbalari uchun Ukrainaga razvedka ma’lumotlarini taqdim etishni rejalashtirayotgani haqida xabar berdi. Gazeta avvalroq AQSh prezidenti Donald Tramp Ukraina Qurolli kuchlarining Amerika razvedkasi yordamini talab qiladigan hujumni boshlash rejalari haqida xabardor qilingani haqida xabar bergan edi.