G‘ijduvonda davlat yerini sotgan «shovvozlar» ushlandi
Buxoro viloyati G‘ijduvon tumanida davlat zaxirasidagi yer maydonini 25 mln so‘mga sotgan shaxslar fosh etildi.
Bosh prokuratura huzuridagi Departamentning G‘ijduvon tumani bo‘limi tomonidan o‘tkazilgan tergovga qadar tekshiruvda fuqarolar R.P. va H.R. o‘zaro til biriktirib, 2 nafar fuqaroning ishonchiga kirib, «Paxtaobod» MFY hududidagi 10 sotix davlat zaxirasidagi yer maydonini go‘yoki o‘zlariga tegishli ekanligini aytib, shundan 4 sotixini fuqaro A.O‘.ga va 6 sotixini F.Q.ga sotishga kelishgan.
Shu tariqa ularning jami 25 mln so‘mini firibgarlik yo‘li bilan qo‘lga kiritganliklari aniqlangan. Tekshiruv davomida esa 15 mln so‘mning qaytarilishi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter