Tibbiy jihozlarning klinik tadqiqotlarini o‘tkazish tartibi belgilandi
«Tibbiy jihozlarning klinik tadqiqotlarini o‘tkazish tartibi to‘g‘risidagi»gi nizom Adliya vazirligida davlat ro‘yxatidan o‘tkazildi.
Nizomga ko‘ra, quyidagi tibbiy jihozlar klinik tadqiqotlarsiz davlat ro‘yxatidan o‘tkaziladi, jumladan:
- xavfsizlik klassifikatsiyasi bo‘yicha I sinfga mansub tibbiy jihozlar;
- Jahon sog‘liqni saqlash tashkiloti tomonidan qayta malakalangan (prequalification), Jahon sog‘liqni saqlash tashkiloti bilan hamkorlikda ro‘yxatdan o‘tkaziladigan «In vitro» tashxis tibbiy jihozlari;
- O‘zbekiston Respublikasida klinik tadqiqotlari oldin o‘tkazilgan tibbiy jihozlar.
Klinik tadqiqotlarni o‘tkazish to‘g‘risidagi qaror Markaz tavsiyasi asosida Sog‘liqni saqlash vazirligi tomonidan tashkil etilgan Ekspertlar kengashi tomonidan qabul qilinadi.
Klinik tadqiqotlar tibbiy jihozning xavfsizlik darajasiga ko‘ra kamida 20 nafar klinik tadqiqot subyekti jalb etilgan holda o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter