Time jurnali Leonardo Di Kaprioni yil artisti deya e’tirof etdi
Time jurnali Leonardo Di Kaprioni 2025-yil artisti deb e’tirof etdi. Qayd etilishicha, u barcha tengdoshlari havas qiladigan karera qurishga muvaffaq bo‘ldi.
Di Kaprio «bir qarashda noto‘g‘ri tuyulgan tanlovni qilib, oxirida baribir haq bo‘lib chiqadi», deb yozdi Time. Shuningdek, nashr aktyorning betakror qiyofasiga alohida e’tibor qaratdi.
«Di Kaprio — superyulduz. Eng ajablanarlisi, u ishiga o‘ta jiddiy yondashishi barobarida, o‘ziga umuman e’tibor bermaydi», — deb yozdi nashr.
Leonardo Di Kaprio — 51 yoshda. Ellikka yaqin filmlarda suratga tushgan. «Omon qolgan» (2015) filmi uchun «Oskar olgan. Deyarli barcha filmlari kino muxlislari ko‘nglidan joy olgan: «Titanik» (1997), «Ustasi farang» (2002), «Temir niqobli odam» (1998), «Aviator» (2004), «La’natlanganlar oroli» (2009), «Ozod Jango» (2012) va boshqalar. Aktyor BAFTA, «Oltin globus», «Kumush ayiq» kabi ko‘plab mukofotlar bilan taqdirlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter