Toshkentning to‘rt tumanida elektr ta’minotida qisqa muddatli uzilishlar kuzatilishi mumkin
Bugun, 20 iyul kuni Toshkentda 220/110/10 kV kuchlanishli «Ozodlik» podstansiyasida yangi avtotransformatorni ishga tushirish ishlari olib borilmoqda. Bu haqda «Toshkent shahar magistral elektr tarmoqlari» filiali ma’lum qildi.
Qayd etilishicha, mazkur jarayon sabab Olmazor, Chilonzor, Uchtepa va Shayxontohur tumanlarining ayrim hududlarida elektr ta’minotida qisqa muddatli uzilishlar kuzatilishi mumkin.
Mutaxassislar barcha ishlar belgilangan texnik talablar asosida amalga oshirilayotganini hamda elektr ta’minotini imkoni qadar tezroq me’yoriy holatga qaytarish bo‘yicha zarur choralar ko‘rilayotganini bildirdi.
Avvalroq Energetika vazirligi jazirama issiq tufayli mamlakat energiya tizimiga bosimning keskin ortganligi sababli ayrim hududlarda elektr ikki soatga uzilishini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter