Dunyodagi eng katta to‘liq elektrlashgan samolyot ilk marta parvoz qildi
Heart Aerospace kompaniyasi dunyodagi eng katta to‘liq elektrlashgan samolyot — X1 (kelgusida chiqariladigan ES-30 samolyotining prototipi) parvozini muvaffaqiyatli amalga oshirdi.
Sinov parvozi 12-avgust kuni Nyu-Yorkda o‘tkazildi. Parvoz davomida elektr uchun taxminan 5 dollar sarflangan. Elektr dvigatellari 1 MVtdan ortiq quvvat ishlab chiqargan.
Og‘irligi 11 tonnadan oshuvchi samolyot havoda 27 daqiqa bo‘ldi. U to‘liq akkumulyatorlar orqali quvvatlandi — energiya 4 ta elektr motorga uzatildi.
ES-30 kelgusida qisqa masofaga parvoz qiluvchi, 30 yo‘lovchiga mo‘ljallangan samolyotga aylanishi kutilmoqda, u gibrid-elektr motorli bo‘lishi rejalashtirilgan. Ushbu samolyot United Airlines, Air Canada va JSX kabi yirik aviatashuvchilar e’tiboriga tushgan va ular birinchi xaridorlar sifatida ko‘rilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter