Ароқчи: Блокада бекор қилинди, Эрон активларининг бир қисми очилди
Эрон ТИВ раҳбари Аббос Ароқчи Қатар ва Покистоннинг фаол воситачилиги Ливан можаросини ҳал этиш жараёнида сезиларли натижалар бераётганини маълум қилди.
Эрон ташқи ишлар вазирининг таъкидлашича, эришилган келишувлар доирасида Эрон нефти ва нефть-кимё маҳсулотлари экспорти бўйича чекловлар юмшатилган, денгиз блокадаси бекор қилинган ҳамда мамлакатнинг музлатилган активларининг бир қисмига кириш имконияти яратилган. Шунингдек, Эронни тиклаш ва иқтисодий ривожлантиришга қаратилган йирик дастур ҳам ишга туширилган.
Ароқчи Ливанда ташкил этилаётган деэскалация марказини келишувларнинг амалдаги биринчи синови деб атади. Унинг қайд этишича, мазкур механизм ўт очишни тўхтатиш режимига риоя этилишини назорат қилиш ва вазиятнинг янада кескинлашувига йўл қўймасликка хизмат қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter