Буюк Британия мудофаа вазири Жон Хили агар у бирон бир дунё етакчисини қўлга олиш ваколатига эга бўлса, Россия президенти Владимир Путинни ҳибсга олишини айтди. У ўз фикрларини Kyiv Independent газетаси билан ўртоқлашди.

Вазирга кўра, Путин Украинадаги ҳарбий жиноятларда катта айбдор, Жон айниқса Бучадаги вазиятдан даҳшатга тушган. 

2023 йилда Халқаро жиноят суди (ХЖС) Путин ва Россия Болалар Омбудсмани Мария Лвова-Беловани 2022 йил 24 февралдан бошлаб Украинанинг босиб олинган ҳудудларидан болаларни ноқонуний равишда Россияга депортация қилишда гумон қилиниб, ҳибсга олиш учун ордер чиқарди. Россия Тергов Қўмитаси Путиннинг жиноий жавобгарликка тортилиши ноқонуний эканлигини ва уни жавобгарликка тортиш учун ҳеч қандай асос йўқлигини иддао қилди.

Кремл суд қарорини қонуний равишда бекор деб топди, чунки Москва ХЖС юрисдикциясида эмас.

Эслатиб ўтамиз, 3 январь куни Қўшма Штатлар Венесуэла пойтахти Каракасни нишонга олган ва президент Николас Мадуро ва унинг рафиқасини Америка махсус кучлари томонидан қўлга олган операцияни бошлади. Қўшма Штатлар Венесуэла етакчисини гиёҳванд моддалар савдогарлари билан ҳамкорлик қилишда айблади ва у АҚШ судида судга тортилди. Россия АҚШнинг аралашувини қоралади.

АҚШ президенти Доналд Трамп илгари Украинадаги давом этаётган жанговар ҳаракатлар туфайли Путиндан кўнгли қолганини билдирган эди. Шунга қарамай, республикачи Россия ва Украина ўртасида тинчликка эришишга ишонади. Мадурога қарши амалга оширилган операция Путинга нисабатан қўлласа бўладими, деган саволга Трамп: "Менимча, бу шарт эмас", деб жавоб берди.