Дания ва Гренландия вакиллари Трампнинг маслаҳатчилари билан учрашди
Дания ва Гренландиянинг АҚШдаги вакиллари Трампнинг маслаҳатчилари билан учрашди, деб хабар берди Associated Press.
Хабарга кўра, улар америкалик қонун чиқарувчилар ва Трамп маъмуриятининг муҳим шахсларини Қўшма Штатларнинг Гренландияга даъвосидан воз кечишга ишонтириш учун фаол ҳаракатларни бошлаган.
Даниянинг АҚШдаги элчиси Йеспер Меллер Сёренсен ва Гренландиянинг Вашингтондаги бош вакили Якоб Исбосетсен пайшанба куни Оқ уй Миллий хавфсизлик кенгаши вакиллари билан учрашди, деб ёзди агентлик махфийлик шарти билан маълумот берган даниялик амалдорларга асосланиб.
Агентлик Оқ уйдан ушбу учрашувни изоҳлашни сўради, аммо жавоб олмади. Дания ва Гренландия вакиллари америкалик қонун чиқарувчилар билан ҳам бир қатор учрашувлар ўтказгани айтилмоқда.
Келгуси ҳафтада АҚШ давлат котиби Марко Рубио даниялик расмий шахслар билан учрашишини агентлик эслатиб ўтган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter