Die Zeit газетаси суриштирувига кўра, Германиянинг Федерал разведка хизмати (BND) бир неча йил давомида АҚШнинг собиқ президенти Барак Обаманинг телефон суҳбатларини тинглаб келган. Суҳбатлар Обама президентлик самолёти Air Force One да бўлган пайтда ушлаб олинган.

Бу амал техник носозликлар сабабли мумкин бўлган: самолётдаги алоқа шифрланишида камчиликлар бўлган ва немис разведкаси президент қўнғироқлари амалга оширилган частоталарни билган. Шу билан бирга, АҚШ Германия разведкасининг расмий кузатув мандатига кирмаган.

Тингланган суҳбатлар стенограммаси фақатгина разведканинг энг юқори раҳбариятига тақдим этилган ва ўқилгандан сўнг йўқ қилинган. Умумлаштирилган маълумотлар эса канцлер девонига етказиб турилган.

2014 йилда АҚШ давлат котиби Ҳиллари Клинтон суҳбатлари ҳам тинглангани фош этилгандан сўнг, Германия ҳукумати бу амалиётни тўхтатган эди. Аммо ўша пайтда Обаманинг ўзи ҳам тинглангани канцлерга маълум бўлмаган.

Қизиғи шундаки, 2013 йилда АҚШ Миллий хавфсизлик агентлиги Ангела Меркел телефонини тинглагани ошкор бўлгач, канцлер «дўстларни кузатиш мумкин эмас» деб кескин танқид қилган эди. https://theins.ru/news/288260?