Ливия ҚК Бош штаби раҳбари Туркияда авиаҳалокатга учради
Ливия Қуролли Кучлари Бош штаби раҳбари Туркияда юз берган авиаҳалокатда вафот этди. Ливия расмийларининг айтишича, Falcon 50 туридаги бизнес-жет самолётида парвоз давомида техник носозлик юз берган.
Самолёт бортида яна тўрт нафар мансабдор шахс ва уч нафар экипаж аъзоси бўлган. Ҳалокатдан омон қолганлар йўқ.
Генерал Муҳаммад Али Аҳмад ал-Ҳаддад Туркия пойтахтида икки мамлакат ўртасида ҳарбий ҳамкорликни мустаҳкамлашга бағишланган юқори даражадаги мудофаа музокараларидан Ливияга қайтаётган бўлган.
Самолёт парчалари Анқарадан тахминан 70 километр жанубда жойлашган Хаймана туманидаги Кесиккавак қишлоғи яқинидан топилган.
Туркия Адлия вазирлиги маълум қилишича, ҳалокатни ўрганиш билан тўрт нафар прокурор шуғулланмоқда. Ливия ҳам Туркия пойтахтига маҳаллий ҳокимият ва тергов органлари билан ҳамкорлик қилиш учун махсус гуруҳ юбориши маълум қилинди.
Анқара аэропорти вақтинча ёпилган, бир қатор рейслар эса бошқа манзилларга йўналтирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter