28 декабрь куни Флоридада бўлиб ўтган Дональд Трамп ва Владимир Зеленский ўртасидаги музокаралардан кейин ўтказилган матбуот анжуманида АҚШ президентига Россиянинг урушдан кейинги Украина тикланишидаги жавобгарлиги муҳокама қилинган-қилинмагани ҳақида савол берилди. Маълумки, Трамп музокаралардан олдин Россия президенти Владимир Путин билан телефон орқали суҳбатлашган эди.

«Ҳа, муҳокама қилинди. Россия ёрдам беради. Россия Украина охир-оқибат муваффақиятга эришишини истайди. Бу бироз ғалати туюлиши мумкин, аммо мен президент [Зеленский]га тушунтирдим: Путин Украина муваффақиятга эришишига ижобий муносабатда. Бу, жумладан, Россиядан энергия ресурслари, электр энергияси ва бошқа товарларни жуда паст нархларда етказиб бериш орқали ҳам амалга оширилиши мумкин», – деди Дональд Трамп.

Владимир Зеленский эса Россия Украинага муваффақият тилаётгани ҳақидаги сўзларга киноя билан жавоб қайтарди: у қошларини кўтариб, кулимсираб, «Ҳа», деб жавоб берди.