Ўзбекистонда никоҳнинг биринчи йилида ажрашиш тақиқланиши мумкин
Ўзбекистон Оила ва хотин-қизлар қўмитаси никоҳдан ажратиш тартибига қатор ўзгартиш киритишни таклиф қилмоқда. Бу бўйича лойиҳа жамоатчилик муҳокамасига қўйилган.
Мазкур лойиҳага кўра, Оила кодексининг 40-моддасида назарда тутилган суд томонидан эр-хотинга ярашиш учун бериладиган муҳлат амалдаги олти ойдан бир йилгача узайтирилиши режалаштирилган.
Шунингдек, Оила кодексининг 42-моддасига ҳам қўшимча киритиш назарда тутилган. Унга кўра, вояга етмаган фарзандлари бўлмаган эр-хотинлар ўзаро розилик асосида ФҲДЁ органлари орқали ажрашиш тартибига янги шарт жорий этиш таклиф қилинган.
Унга кўра, бундай соддалаштирилган усулда ажрашиш учун никоҳ тузилганига камида бир йил бўлган бўлиши талаб этилади. Бироқ мазкур талаб оиладаги зўравонликдан жабрланган шахсларга нисбатан қўлланилмайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter