АҚШ Украинага қурол етказиб беришни тўхтатди – Вэнс
АҚШ вице-президенти Жей Ди Вэнс Украинага тўғридан-тўғри қурол етказиб беришни тўхтатиш қарорини Трамп маъмуриятининг асосий ютуқларидан бири деб баҳолади.
Унинг таъкидлашича, Вашингтон энди Украина учун қурол сотиб олмайди ва уни юбормайди. Европа давлатлари эса агар хоҳласа, Киевни мустақил равишда қўллаб-қувватлаши мумкин.
Вэнснинг сўзларига кўра, можарони молиялаштиришдан воз кечиш қарори ҳали ҳам ўзини оқламоқда.
Аввалроқ АҚШ президенти Дональд Трамп Украинага ажратилган маблағларни текшириш зарурлигини билдирган эди. Унинг баҳолашича, аввалги маъмурият томонидан Киевга 350–400 миллиард доллар ёрдам кўрсатилган.
Трамп, шунингдек, Украина АҚШ қўллаб-қувватловисиз узоқ вақт қаршилик кўрсата олмаслигини таъкидлаган.
Бундан ташқари, у АҚШнинг ушбу можарога жалб этилишини собиқ президент Жо Байден сиёсати билан боғлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter