Мадагаскарда ҳарбийлар ҳокимиятни эгаллаб олди
Ҳарбийлар Мадагаскарда ҳокимиятни эгаллаб олганини эълон қилди.
CAPSAT элита ҳарбий корпуси қўмондонлиги Мадагаскарда ҳокимиятни эгаллаб олганини маълум қилди. Улар президент Андри Радзуэлина бир неча ҳафта давом этган аксилҳукумат намойишларидан сўнг мамлакатни тарк этганидан сўнг давлат институтлари тарқатиб юборилганини эълон қилишди.
Президент маъмурияти эса Радзуэлина ҳокимиятда қолишини маълум қилди.
"Биз ҳокимиятни қўлга олдик", деди полковник Майкл Рандрианирина миллий радиода.
Аниқ жойлашуви номаълум бўлган Андри Радзуэлина импичмент бўйича овоз беришни қоралаб, уни конституцияга зид деб атади ва Миллий ассамблея тарқатиб юборилганига қарамай, сессия бўлиб ўтганини таъкидлади.
Эслатиб ўтамиз, сув ва электрнинг тинмай ўчирилиши туфайли сентябр охирида Антананаривуда тартибсизликлар бошланган. БМТ маълумотларига кўра, исёнлар давомида камида 22 киши ҳалок бўлган, 100 дан зиёд инсон жароҳатланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter