Ўзбекистон Гвинея-Бисау билан дипломатик алоқалар ўрнатди
Ўзбекистон Гвинея-Бисау билан дипломатик алоқалар ўрнатди.
2026 йил 22 апрел куни Ню-Йорк шаҳрида Ўзбекистоннинг БМТдаги доимий вакили Улуғбек Лапасов ва Гвинея-Бисаунинг БМТдаги миссияси раҳбари Самба Сане дипломатик алоқалар ўрнатиш тўғрисидаги Қўшма коммюникени имзолади. Бу ҳақда «Дунё» агентлиги хабар берди.
Томонлар халқаро ташкилотлар, жумладан, БМТ ва унинг ихтисослашган муассасалари доирасида ҳамкорликни мустаҳкамлашдан манфаатдор эканини билдирди, дейилади хабарда.
Икки томонлама алоқаларнинг ўзаро манфаатли йўналишларини топиш бўйича ҳамкорликни фаоллаштиришга келишиб олинди.
Ғарбий Африка давлати бўлган Гвинея-Бисау Республикаси Ўзбекистон дипломатик алоқалар ўрнатган 168-мамлакатга айланди.
Эслатиб ўтамиз, 2026 йил 19 апрел куни Анталия шаҳрида Ўзбекистон ва Руанда ташқи ишлар вазирлари Бахтиёр Саидов ва Оливе Ндухунгирехе дипломатик алоқалар ўрнатиш тўғрисидаги Қўшма коммюникени имзолаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter