Валюта айирбошлаш билан шуғулланиб келган шахслар ушланди. 

Бош прокуратура ҳузуридаги Департаментнинг Шаҳрихон тумани бўлими ва ИИБ ходимлари ҳамкорлигида тезкор тадбир ўтказилган. Унда валюта айирбошлаш билан шуғулланиб келган И.А. фуқаро С.Қ.га 4 000 АҚШ долларини 48,6 млн сўмга сотган вақтида ашёвий далиллар билан ушланган.

Департаментнинг Бекобод тумани бўлими ходимлари томонидан ИИББ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Б.М. фуқаро Г.А.га 4 000 АҚШ долларини 48 млн сўмга сотган вақтида ашёвий далиллар билан ушланган.

Департаментнинг Ғиждувон тумани бўлими ва ИИБ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган Ш.И. фуқаро Р.Н.дан 3 800 АҚШ долларини 45,6 млн сўмга сотиб олган вақтида ашёвий далиллар билан ушланган.

Департаментнинг Касби тумани бўлими ва ИИБ ходимлари ҳамкорлигида ўтказилган тезкор тадбирда валюта айирбошлар билан шуғулланиб келган Т.Қ. фуқаро Н.Х.га 3 600 АҚШ долларини 43,9 млн сўмга сотган вақтида ашёвий далиллар билан ушланган. 

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.