Тошкент аэропортида йўловчини тўнаган шахс қўлга олинди
Тошкент халқаро аэропортида йўловчидан 9000 АҚШ долларини ўғирлаган шахс аниқланиб, қўлга олинди. Бу ҳақда Транспорт ва туризм объектларида хавфсизликни таъминлаш департаменти хабар қилди.
Маълум қилинишича, 4 апрель куни Жиззах вилоятида туғилган фуқаро Нью-Йорк — Тошкент рейси орқали Ўзбекистонга келган. У багаж ва қўл юки текшируви жараёнида ҳамёнидан 9000 доллар йўқолганини аниқлаб, дарҳол ҳуқуқни муҳофаза қилувчи органларга мурожаат қилган.
Хабар асосида олиб борилган тезкор чоралар натижасида пул маблағлари ва уларни ўғирлаган шахс топилди.
Аниқланишича, ушбу рейсда бўлган 1982 йилда туғилган хорижий фуқаро жабрланувчини чалғитиб, унинг пулларини яширин равишда ўғирлаган.
Гумонланувчи шахс пулни самолёт ичида кўриб, уни олиб ўз ҳамёнига солганини тан олган ва қилмишидан афсус билдирган.
Ҳозирда ҳолат юзасидан текширув ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter