Bozor rahbarining «biznesi» yurishmadi
Qashqadaryo viloyatining Dehqonobod tumanidagi bozorlardan birida rahbarning «savdosi» yurishmadi.
Bozor rahbari o‘z xizmat mavqeidan foydalanib, hujjatsiz do‘konni tadbirkorlik bilan shug‘ullanmoqchi bo‘lgan fuqaroga pullamoqchi bo‘ldi. Katta va’dalar berdi: avval sotadi, keyin rasmiylashtiradi. «Xizmat» narxi ham shunga yarasha — naq 80 million so‘m!
Ammo DXX va Iqtisodiy jinoyatlarga qarshi kurashish departamenti xodimlari «savdoning beliga tepishdi»: rahbar 6 600 AQSh dollarini olayotgan vaqtida ashyoviy dalillar bilan qo‘lga olindi.
Xabarga ko‘ra, bozor rahbariga nisbatan jinoyat ishi qo‘zg‘atilib, tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter