Qo‘shma Shtatlardagi eng qadimgi universitetlardan birida sodir bo‘lgan otishmada ikki kishi halok bo‘ldi. Yana sakkiz kishi jiddiy jarohat oldi. BBC xabariga ko‘ra, voqea imtihon vaqtida sodir bo‘lgan. 

Braun universitetining muhandislik va fizika binolarida otishma ovozlari eshitildi. O‘sha paytda talabalar va professor-o‘qituvchilar binoda bo‘lishgan. Guvohlarning so‘zlariga ko‘ra, politsiya operatsiya o‘tkazayotgan bir paytda ular soatlab sinf xonalarida yashirinishga majbur bo‘lishgan. 

Gumonlanuvchi, qora kiyim kiygan erkak hali qo‘lga olinmagan. Hujum sababi noma’lum. FQB tergov olib bormoqda. 

«Qanday dahshatli voqea. Hozir biz qila oladigan yagona narsa - qurbonlar uchun ibodat qilish. Bu sharmandalik», dedi Tramp voqea haqida xabar topgach. 

Braun universiteti mamlakatdagi eng qadimgi universitetlardan biri bo‘lib, 7000 dan ortiq bakalavr va 3000 dan ortiq aspirantlarga ega. Providens, Rod-Aylendda joylashgan u Qo‘shma Shtatlardagi eng nufuzli xususiy universitetlar guruhi bo‘lgan Ivy League a’zosi. 

Bahorda qurolli shaxs Tallahasseye shahridagi Florida shtati universiteti kampusida o‘t ochdi. Ikki kishi halok bo‘ldi va olti kishi yaralandi.