Turizm qo‘mitasi ko‘magida 2025-yil 21-23-oktyabr kunlari Toshkent shahrida "Horesa Expo Uzbekistan 2025" xalqaro ko‘rgazmasi bo‘lib o‘tadi. Mazkur tadbir mamlakatning turizm infratuzilmasini rivojlantirish va mehmondo‘stlik standartlarini oshirishga qaratilgan bo‘lib, O‘zbekistonni jahon turizm bozorida ilgari surishda muhim rol o‘ynaydi. 

Ko‘rgazma mehmonxona va restoran biznesi vakillari, yetkazib beruvchilar, investorlar hamda ta’lim markazlarini bir joyga jamlaydi. Ishtirokchilar innovatsion texnologiyalar, zamonaviy uskunalar, mebellar, to‘qimachilik mahsulotlari va axborot texnologiyalari yechimlari bilan tanishish imkoniyatiga ega bo‘ladilar. Shuningdek, turizm rivojlanishining tendensiyalarini muhokama qilishlari va xizmat ko‘rsatish sifatini oshirish bo‘yicha tajriba almashishlari mumkin. 

Ko‘rgazma O‘zbekiston otelerlar uyushmasi tomonidan tashkil etilmoqda. Dastur doirasida B2B uchrashuvlari, panel sessiyalari, mahorat darslari va Gastro-Forum 2025 rejalashtirilgan bo‘lib, professional muloqot va mamlakatda turizm va mehmondo‘stlik sohasini rivojlantirish uchun yangi imkoniyatlarni shakllantirish platformasiga aylanadi.