JCh-2026 saralashi doirasida Yevropa mintaqasida qator o‘yinlar o‘tkazildi, Angliya qit’aning bo‘lg‘usi mundialdagi ilk ishtirokchisiga aylandi.

E guruhida Ispaniya Bolgariyani, Turkiya Gruziyani yirik hisobda yengdi.

F guruhida Portugaliya Vengriyaga qarshi o‘yinda so‘nggi daqiqalarda g‘alabani boy berdi. Irlandiya o‘z maydonida bir kishi kam bo‘lib qolgan Armanistonni yagona gol evaziga mag‘lubiyatga uchratdi.

I guruhida Italiya Isroilni mag‘lub etib, peshqadam Norvegiya bilan oradagi ochkolar tafovutini 3 taga qisqartirdi.

K guruhida Angliya Latviyani safarda tor-mor etib, mundialga yo‘llanma oldi, guruhning ikkinchi o‘yinida Serbiya safarda Andorradan ustun keldi.

JCh-2026 saralashi. Yevropa

4-tur. 14-oktyabr

E guruhi

Ispaniya – Bolgariya 4:0
Gollar: Merino 35, 57, Chernev 69 (avtogol), Oyarsabal 90+2 (pen)

Turkiya – Gruziya 4:1
Gollar: Yildiz 14, Demiral 22, 52, Akgun 35 – Kochorashvili 65

F guruhi

Portugaliya – Vengriya 2:2
Gollar: Ronaldu 22, 45+3 – Salai 9, Soboslai 90+1

Irlandiya – Armaniston 1:0
Gol: Fergyusson 70

I guruhi

Italiya – Isroil 3:0
Gollar: Retegi 45+2 (pen), 75, Manchini 90+3

K guruhi

Latviya – Angliya 0:5
Gollar: Gordon 26, Keyn 44, 45+4, Chiganiks 59 (avtogol), Eze 86

Andorra – Cyerbiya 1:3
Gollar: Lopes 17 – Garsiya 19 (avtogol), Vlahovich 54, Mitrovich 77 (pen)